ဈေးကွက်အတွင်း ရောင်းအကောင်းဆုံးကားတစ်စီးဖြစ်တယ်။ 2019 model တုန်းက တော်တော်လေးကိုရောင်းအားမြင့်တက်ခဲ့ပြီး 2020 model အတွက်လည်း စိတ်ဝင်စားသူတွေအလျှံပယ်ပါပဲ။ အဓိကကတော့ 7 seater ဖြစ်တဲ့အတွက် လူများများတင်ဆောင်နိုင်ပြီး မောင်းလို့လည်းကောင်းတဲ့အပြင် ဈေးနှုန်းကလည်း လူတကာ လက်လှမ်းမီတဲ့ ကားတစ်စီးဖြစ်နေတာကြောင့်ပါ။ ဘယ်လိုမိသားမျိုးအတွက်ကိုမဆို သင့်တော်လှတဲ့ Xpander 2020 ဖြစ်ပါတယ်။
1.5 Liter ဓါတ်ဆီအင်ဂျင်နဲ့ဖြစ်ပြီး အမြင့်ဆုံး ပါဝါ 103 Hp နဲ့ အမြင့် torque က 141 Nm ထိထုတ်လွှတ်ပေးနိုင်စွမ်းဟာ အကြမ်းကြီးမဟုတ်ပေမဲ့ လူခုနစ်ယောက်တင်ဆောင်ပြီး ကတ္တရာနဲ့ ကွန်ကရစ်လမ်းတွေမှာမောင်းနှင်ဖို့အတွက်ကတော့ လုံလောက်မှုအပြည့်ရှိပါတယ်။
Xpander ရဲ့ရှေ့ပိုင်းရုပ်ထွက်ဟာ Dynamic Shield ကြောင့် ဒီဇိုင်းပိုင်းအရ ခြေတစ်လှမ်းအသာရထားသလို ဒိုင်းတစ်ခုလို အကာအကွယ်ပေးနိုင်တာမျိုးလို့ဆိုတဲ့အတွက် safety ပိုင်းမှာလည်း စိတ်ချရတယ်။ တစ်စီးလုံးရဲ့ပုံစံဟာ MPV တစ်စီးဆိုတာထက် ပိုပြီးစိတ်ဝင်စားစရာကောင်းတာမှန်ပေမဲ့ ရှေ့ရုပ်ထွက်ကတော့ တော်တော်လေး စိတ်လှုပ်ရှားစရာကောင်းပါတယ်။
အတွင်းခန်းအပြင်အဆင်နဲ့ အရည်အသွေးကတော့ သိပ်ကောင်းတယ်လို့မဆိုနိုင်သလို အရမ်းဆိုးနေတာမျိုးလည်းဟုတ်မနေဘူး။ လူအများစုနဲ့ သင့်တော်တဲ့ အနေအထားမှာရှိနေတာမျိုး။
ခြုံငုံသုံးသပ်ရမယ်ဆိုရင်တော့ သင်ဟာ သိန်း ၃၀၀ နဲ့ ၄၀၀ ကြား MPV တစ်စီးကို ရှာဖွေနေတယ်ဆိုရင်တော့ Mitsubishi ရဲ့ Xpander ဟာ မဖြစ်မနေ စုံစမ်းပြီး စိတ်ကြိုက်တွေ့မယ်ဆိုရင်တော့ ဝယ်ယူသင့်တဲ့ ကားတစ်စီးဖြစ်နေပါတယ်။